ზაპოროჟიეს რეგიონული ადმინისტრაციის ხელმძღვანელის, იური მალაშკოს ცნობით, რუსების მიერ რეგიონში ინფრასტრუქტურული ობიექტის დაბომბვის შედეგად 4 ადამიანი დაიღუპა და 2 დაშავდა.
მისი თქმით, პოლოგოვსკის რაიონში თავდასხმას ობიექტის თანამშრომლები, 29, 30, 33 და 43 წლის მოქალაქეები ემსხვერპლნენ. კიდევ ორი ​​დაჭრილი სამედიცინო დაწესებულებაში გადაიყვანეს.
უკრაინული მხარის ცნობით, საერთო ჯამში, გასული დღის განმავლობაში, რუსეთმა 80 დარტყმა მიაყენა ზაპოროჟიეს რეგიონის 20 დასახლებულ პუნქტს.