ნუ გაგიკვირდებათ, თუ ერთ დღეს კადიროვი დაიძვრება მარშით კრემლისკენ - ზელენსკი
"ნუ გაგიკვირდებათ, თუ შემდეგ ჯერზე ვინმე, როგორიც პრიგოჟინი ან კადიროვია, პირდაპირ კრემლში ჩავა", - ამის შესახებ უკრაინის პრეზიდენტმა სოფიაში, ბულგარეთის პოლიტიკურ ძალებთან შეხვედრაზე განაცხადა.
"რუსეთის მეთაური უკვე იმდენად სუსტია, რომ რუსეთის რეგიონებსაც კი ვერ იცავს საკუთარი ბოევიკებისგან და თუ ერთ დღეს ვინმე - პრიგოჟინი ან, მაგალითად, კადიროვი - პირდაპირ კრემლისკენ გაემართება მარშით, არ უნდა გაგიკვირდეთ. რუსული საბრძოლო მზადყოფნის ყველა ნარჩენი ჩვენი ქვეყნის ოკუპირებულ რეგიონებშია და მათ, ვინც რუსეთში ამ რეჟიმის უსაფრთხოების გარანტი უნდა იყოს, არანაირი მოტივაცია არ აქვს. ამიტომ, ახლა მხოლოდ ერთობლივი ზეწოლა უნდა გავზარდოთ", - განაცხადა ვოლოდიმირზელენსკიმ.როგორც უკრაინის პრეზიდენტმა აღნიშნა, რაც უფრო მეტ დახმარებას, საბრძოლო მასალას და იარაღს მიიღებს უკრაინა, მით უფრო შემცირდება ომის მასშტაბები უკრაინის ტერიტორიაზე.