არასერიოზული დამოკიდებულებაა - პაპუაშვილი კითხვაზე რატომ არაა ნახსენები სუს-ის ანგარიშში რუსეთი ოკუპანტად
პარლამენტის თავმჯდომარე, შალვა პაპუაშვილი ამბობს, რომ არასერიოზულ დამოკიდებულებას აჩვენებს კითხვის დასმა იმაზე, თუ რატომ არაა სახელმწიფო უსაფრთხოების სამსახურის 2022 წლის ანგარიშში რუსეთი ოკუპანტად ნახსენები.
მისივე თქმით, ხელისუფლება არ ერიდება რუსეთის "გაღიზიანებას" და ყოველ მეორე განცხადებაში ოკუპაციაზე საუბრობს.
მისივე თქმით, ხელისუფლება არ ერიდება რუსეთის "გაღიზიანებას" და ყოველ მეორე განცხადებაში ოკუპაციაზე საუბრობს.
"არასერიოზული დამოკიდებულებაა. არ შეიძლება უბრალოდ ასეთი დამოკიდებულება საკუთარი სახელმწიფოს, მათ შორის უსაფრთხოების სტრუქტურის მიმართ. საქართველოს უსაფრთხოების სამსახურები ყოველდღიურად თქვენ გიცავენ იმ საფრთხეებისგან, რომელიც, ამაზე ხომ ყველანი ვთანხმდებით, რომ ნამდვილად არსებობს, სხვადასხვა სახის ჰიბრიდული თუ პირდაპირი საფრთხეები, ამის რეალიზება რომ არ ხდება, ამას ახდენს უსაფრთხოების სამსახური, ამიტომ, პირიქით, მადლობა გადავუხადოთ მათ, რაც შეეხება ოკუპანტის ხსენება, არ ხსენება, არასერიოზული არის, არ არსებობს დოკუმენტი, რომელშიც ამ საკითხზე არ არის საუბარი, თუ საჯარო განცხადება, ფაქტი რაც არის, რას ფიქრობთ, რომ ვინმე კითხვის ნიშნის ქვეშ აყენებს ასეთ საკითხს?! [ერიდებით რუსეთის გაღიზიანებას?] როგორ ვერიდებით, ყოველ მეორე განცხადებაში ამაზე ვსაუბრობთ", - თქვა პაპუაშვილმა.