უკრაინის კონტრშეტევები გეგმის მიხედვით მიდის - ზალუჟნი
უკრაინის შეიარაღებული ძალების მთავარსარდალი ვალერი ზალუჟნი აშშ-ს გაერთიანებული შტაბის უფროსს, გენერალ მარკ მილს ტელეფონით ესაუბრა. როგორც ზალუჟნიმ საუბრისას აღნიშნა, უკრაინის კონტრშეტევები ისე მიდის, როგორც დაგეგმილი იყო.
"მე ვესაუბრე გაერთიანებული შტაბის უფროსს, გენერალ მარკ მილის. მე მას ვაცნობე წინა ხაზზე არსებული ოპერატიული ვითარება. უკრაინელი სამხედროები აგრძელებენ აქტიურ შეტევით მოქმედებებს. სიტუაცია გეგმის მიხედვით ვითარდება, ინიციატივა ჩვენს ხელშია", - დაწერა ზალუჟნიმ Facebook გვერდზე.როგორც ზალუჟნიმ აღნიშნა, მან აშშ-ს გაწეული დახმარებისთვის მადლობა გადაუხადა.
"ჩვენ ასევე განვიხილეთ უკრაინის შეიარაღებული ძალების გადაუდებელი საჭიროებები იარაღისა და საბრძოლო მასალის ჩათვლით, რუსი დამპყრობლებისაგან უკრაინის ტერიტორიის განთავისუფლების გასაგრძელებლად", - დაწერა მან.