ყველა, ვინც პუტინს არ ეთანხმება და უპირისპირდება, "მოულოდნელად" კვდება, ან მოწამლულია, ან შენობიდან ვარდება - კონგრესმენი ადამ სმიტი
ყველა, ვინც პუტინს არ ეთანხმება და უპირისპირდება, "მოულოდნელად" კვდება - ან მოწამლულია, ან შენობიდან ვარდება... - ასე შეაფასა ანგარიშსწორება პუტინის მოწინააღმდეგეებზე რესპუბლიკელმა კონგრესმენი CNN-ის პირდაპირ ეთერში. ადამ სმიტი ითხოვს, საერთაშორისო საზოგადოება ამის წინააღმდეგ გაერთიანდეს.
"რა თქმა უნდა, ცენტრალური ადგილი აქ რუსეთს უკავია და იმას, თუ როგორ მართავს ამ ქვეყანას პუტინი. აქ არა მხოლოდ უკრაინაში ჩადენილ საშინელებებზეა საუბარი, არამედ იმ ხალხზე, რომელიც მას არ ეთანხმება და ცოტა ხანში იდუმალი სიკვდილით კვდება. ზოგი საავადმყოფოს ფანჯრიდან ვარდება, ზოგი იწამლება და ასე შემდეგ. მთელი საერთაშორისო საზოგადოება უნდა გაერთიანდეს ამის წინააღმდეგ, დაგმოს რუსეთი და დაგმოს პუტინის ქმედებები. აშშ-ის მიერ შექმნილ კოალიციაში 54 ქვეყანაა, რომელიც უკრაინას ეხმარება, მაგრამ მსოფლიოში კიდევ არის ბევრი ქვეყანა, რომელსაც ამაში წვლილის შეტანა შეუძლია. ნაცვლად ამისა, ისინი განზე დგანან, რითაც პუტინს ეხმარებიან, რომ ეს ყველაფერი შერჩეს." ამბობს კონგრესმენი