უკრაინის პრეზიდენტმა ვოლოდიმირ ზელენსკიმ განაცხადა, რომ სახელმწიფო ყველაფერს აკეთებს იმისთვის, რომ რუსეთის თავდასხმებისგან თავი მაქსიმალურად დაიცვას.
"საჰაერო თავდაცვის სისტემა და სხვა იარაღი ცის დაცვისთვის ჩვენ უკვე გვაქვს, აქ - უკრაინაში, ძალიან სერიოზული [იარაღია]. თუმცა უნდა იყოს და დარწმუნებული ვარ, რომ იქნება კიდევ უფრო მძლავრი [იარაღიც]. ასევე მადლობა ყველას [სამხედროებს], ვინც თავის ზუსტი მიზნით და სისწრაფით უზრუნველყოფს იმ იარაღის ეფექტურ გამოყენებას, რომელიც სახელმწიფოს გამოუჩნდა", - თქვა ზელენსკიმ ვიდეომიმართვაში.
მან ამერიკის შეერთებულ შტატებს სამხედრო მხარდაჭერის მორიგი პაკეტისთვის მადლობა გადაუხადა. ამ სამხედრო დახმარების ფარგლებში უკრაინა HIMARS-ების რაკეტებს და საავიაციო საბრძოლო მასალას მიიღებს.