"არ ვართ ალისას (საოცრებათა) სამყაროში" | ზურაბიშვილს პუტინის გასამართლება რეალისტურად არ მიაჩნია
პრეზიდენტმა სალომე ზურაბიშვილმა LCI-სთან ინტერვიუში ევროკომისიის 8 ნოემბრის გადაწყვეტილებასა და რუსეთ-უკრაინის ომზეც ისაუბრა. მან თქვა, რომ რეალისტურად არ მიაჩნია რუსეთის პრეზიდენტ პუტინის გასამართლება კაცობრიობის წინაშე ჩადენილი დანაშაულისთვის.
ასევე ნახეთ:
"მე ჩემი შინაგანი რწმენით ვფიქრობ, რომ ეს იქნებოდა ისტორიული შედეგი, რაც გარკვეულ საკითხებს თავის ადგილს მიუჩენდა. თუ მეკითხებით, ვფიქრობ, რომ ეს რეალისტურია? არა. იმიტომ რომ ჩვენ რეალისტურ სამყაროში ვცხოვრობთ, სადაც ეს არ ხდება არ ვართ ალისას (საოცრებათა) სამყაროში", - თქვა ზურაბიშვილმა.მისივე აზრით, მოლაპარაკებებით უნდა მოხდეს რუსეთის იძულება, რომ ის გახდეს სახელმწიფო, რომელიც უარს ამბობს სხვა სახელმწიფოების ტერიტორიების ოკუპაციაზე.
"ძალიან საინტერესოა, რომ ჩვენ მივიღეთ რეკომენდაცია ევროკომისიისგან, რომელიც კიდევ უნდა დამტკიცდეს ევროკავშირის მიერ. მაშინვე ჩატარდა გამოკითხვა საქართველოში, რომლითაც ევროკავშირის მომხრეთა რაოდენობა 80%-იდან 85%-მდეა გაზრდილი. არის შეგრძნება, რომ როდესაც ხარ მეორე მხარეს, დაცული ხარ, მეორე მხარეს რუსეთი ვეღარ გაბედავს.
რაც შეეხება უკრაინაში ომს. მოლაპარაკებებით უნდა მოხდეს რუსეთის იძულება, რომ ის გახდეს სახელმწიფო, რომელიც უარს ამბობს სხვა სახელმწიფოების ტერიტორიების ოკუპაციაზე. ამ საბოლოო მოლაპარაკებამ უნდა მოიცვას საქართველოს ოკუპირებული ტერიტორიებიც, დნესტრისპირეთიდან გასვლაც", - თქვა ზურაბიშვილმა.
ასევე ნახეთ: