ომის შემსწავლელი ინსტიტუტი (ISW) ანგარიშში წერს, რომ უკრაინულებმა 10 ნოემბერს ავდიივკას მახლობლად პოზიციები დაიბრუნეს. 
ანგარიშში ასევე ვკითხულობთ, რომ რუსები ავდიივკას მიმართულებით შეტევას აგრძელებენ. ძირითადი ბრძოლები მიმდინარეობს სტეპნოეს, ბერდიჩის და სევერნოეს მიდამოებში. ამასთან, უკრაინელი დამცველები რუსეთის თავდასხმებს ნოვოკალინოვოს სამხრეთ-აღმოსავლეთით იგერიებენ.

"ერთ-ერთი რუსი სამხედრო ბლოგერის თქმით, 10 ნოემბერს, უკრაინულმა ჯარებმა ავდიივკას მიმართულებით, კერძოდ, ვოდიანოეს ჩრდილო-აღმოსავლეთით წარმატებული კონტრშეტევა განახორციელეს და პოზიციების დაბრუნება შეძლეს", - წერია განცხადებაში.

ამას გარდა, ISW წერს, რომ რუსული ძალები უკრაინის წინააღმდეგ უპილოტო თვითმფრინავების უფრო მცირე და ნაკლებად ხშირად დარტყმებს ახორციელებენ, ვიდრე წინა თვეებში.