"როგორც ვხედავ, ხელისუფლება ნაცებს კი არა, შევარდნაძესაც ჩაცდა და უკვე კომუნისტებამდე ჩავიდა, მთლად მჟავანაძის ეპოქამდე - კოტეჯები მეოცე საუკუნის 60იან წლებშია აშენებულიო", - ამის შესახებ "მთავარი არხის" დამფუძნებელი ნიკა გვარამია სოციალურ ქსელში წერს.
ნიკა გვარამიას პოსტს უცვლელად გთავაზობთ:

"როგორც ვხედავ, ხელისუფლება ნაცებს კი არა, შევარდნაძესაც ჩაცდა და უკვე კომუნისტებამდე ჩავიდა, მთლად მჟავანაძის ეპოქამდე - კოტეჯები მეოცე საუკუნის 60იან წლებშია აშენებულიო.
მეორეს მხრივ, ხელისუფლება უკვე იმედის დრონსაც ასცდა საკუთარი გაპრავების კოსმოსურ სიმაღლეში - ყველაფერი გლობალური დათბობის ბრალია და ამას ვერაფერს მოუხერხებო.
ორივეში სიმართლის მხოლოდ ნაწილია და დიდი ნაწილი (რაც მთავრობის პასუხისმგებლობას ადასტურებს) - ან დამალული, ან გაყალბებული.
ასე მუშაობს სწორედ პროპაგანდა: სიმართლეს ამყნობს ტყუილთან, რომ მიღებული ჰიბრიდი ერთად გადაყლაპოს მსხვერპლმა, მართალთან ერთად ტყუილიც ავრცელოს და სისტემის სასარგებლო იდიოტად იქცეს", - წერს ნიკა გვარამია.