"არავინ არ უნდა იჩქაროს დასკვნების გამოტანა" - კობახიძე შოვის ტრაგედიაზე
"ქართული ოცნების" თავმჯდომარე ირაკლი კობახიძე აცხადებს, რომ შოვში მომხდარ ტრაგედიასთან დაკავშირებით "დასკვნების გამოტანა" არავინ არ უნდა იჩქაროს.
"ეს არის ძალიან მნიშვნელოვანი, რომ არავინ არ უნდა იჩქაროს დასკვნების გამოტანა, ახლა არის, გასაგებია, ემოციური ფონია და ეს აბსოლუტურად გასაგებია, თუმცა ყველაფერი გაირკვევა საბოლოო ჯამში. ამიტომ, სასურველია, არავინ არ იჩქაროს დასკვნების გაკეთება. კიდევ ერთხელ გავიმეორებ, არიან კომპეტენტური სტრუქტურები, ორგანიზაციები, ადამიანები, რომლებსაც შეუძლიათ დეტალური დასკვნის დადება ყველაფერთან დაკავშირებით.შეგახსენებთ, რომ შოვში მეწყერი 3 აგვისტოს ჩამოწვა. დადასტურებული ინფორმაციით, სტიქიას 12 ადამიანი ემსხვერპლა. სამძებრო სამუშაოები ამ დრომდე გრძელდება - მაშველები 25-მდე ადამიანს ეძებენ. სტიქიის ეპიცენტრში ორი ვერტმფრენი და 400-მდე მაშველი მუშაობს, სამძებრო სამუშაოებში ჩაერთო ჯარიც. შსს-ის ცნობით, სტიქიის ზონიდან ჯამში 210 ადამიანი გამოიყვანეს.
თქვენ იცით, რომ სამაშველო სამუშაოები არ გაჩერებულა, საუბარი იყო ერთადერთი ვერტმფრენთან დაკავშირებით, თუმცა ამასთან დაკავშირებით, მე როგორც ვიცი, არსებობს სათანადო პასუხი, რომ მხოლოდ ღამის ხედვაში არ იყო აქ საქმე, რელიეფის, პირობების გათვალისწინებით ვერტმფრენებს გაუჭირდებოდათ ამ პირობებში სამუშაოების გაგრძელება ღამის განმავლობაში. თუმცა, აქაც არ იქნება სწორი, რომ მე შევიდე ამ დეტალებში, არიან სამაშველო უწყებები, მაშველები, მათ შეუძლიათ დეტალური ინფორმაციის მოწოდება ამასთან დაკავშირებით," - განაცხადა კობახიძემ.