"ურყევი" მხარდაჭერა უკრაინას" - აშშ-ის პრეზიდენტი, ჯო ბაიდენი თეთრ სახლში დიდი ბრიტანეთის პრემიერმინისტრს, რიში სუნაკს შეხვდა. 
ადგილობრივი მედიის ცნობით, ორი ქვეყნის ლიდერმა ოვალურ კაბინეტში უკრაინელი ხალხისადმი მხარდაჭერა, ეკონომიკური უსაფრთხოება და ხელოვნური ინტელექტის მზარდი სფეროს რეგულირებისა და ჩინეთთან მოქცევის შესახებ საერთაშორისო თანამშრომლობა განიხილეს. 
CBS News წერს, რომ ამერიკელმა ოფიციალურმა პირებმა განუცხადეს, რომ ბოლო ერთი დღის განმავლობაში უკრაინაში, დროებით ოკუპირებული ზაპოროჟიეს რეგიონში ბრძოლები გაიზარდა. გამოცემა წერს: "როგორც ჩანს, ეს არის დასაწყისი იმის, რაც მოსალოდნელია ზაპოროჟიეს სამხრეთით, ყირიმსა და დონბასს შორის სახმელეთო ხიდის გაწყვეტის მცდელობაში". 
მას შემდეგ, რაც რიში სუნაკმა დიდი ბრიტანეთის პრემიერმინისტრის პოსტი დაიკავა, ეს ჯო ბაიდენსა და მას შორის უკვე მეოთხე შეხვედრაა.