უკრაინის შეიარაღებული ძალების გენერალური შტაბის ცნობით, რუსი ოკუპანტები, ხერსონში, მშვიდობიან მოქალაქეებს დაბომბვებისგან დასაცავად "ცოცხალ ფარად" იყენებენ.

„ხერსონის ოლქის დროებით ოკუპირებული ტერიტორიების დასახლებულ პუნქტებში რუსი ოკუპანტები მათ მიერ ჩადენილი დანაშაულის შედეგების საკუთარი მიზნებისთვის გამოყენებას განაგრძობენ. კერძოდ, დატბორილი დასახლებული პუნქტებიდან ევაკუირებულ ადამიანებს პანსიონატებსა და დასვენების ბაზებში ასახლებენ, სადაც უკვე განლაგებული არიან სამხედრო ქვედანაყოფები", - წერს გენშტაბი.