დროებით ოკუპირებული ცხინვალის ციხიდან გაათავისუფლეს საოკუპაციო ძალების მიერ უკანონოდ დაკავებული დიმიტრი მამაგულაშვილი. ამის შესახებ ინფორმაციას ოკუპირებული რეგიონის ე.წ უსაფრთხოების სამსახური ავრცელებს. აღნიშნულს ადასტურებს ქართული მხარეც.
დე ფაქტო უწყება ამბობს, რომ საქართველოს მოქალაქე ე.წ "სასაზღვრო რეჟიმის დარღვევისთვის" დააჯარიმეს.
მამაგულაშვილი ქარელის მუნიციპალიტეტის, სოფელ დვანის მცხოვრებია.
შეგახსენებთ, რომ რუსეთის საოკუპაციო ძალებმა სოფელ დვანის მიმდებარე ოკუპირებულ ტერიტორიაზე საქართველოს მოქალაქე უკანონოდ 17 აპრილს დააკავეს.