თუ არ გვინდა, რომ 4 ადამიანს გადავაყოლოთ ქვეყნის მომავალი, საჭიროა ქმედითი ნაბიჯები - ზურაბიშვილი მოსამართლეების სანქცირებაზე
"თუ არ გვინდა, რომ 4 ადამიანს გადავაყოლოთ ქვეყნის მომავალი, საჭირო არის ქმედითი ნაბიჯები," - ასე გამოეხმაურა საქართველოს პრეზიდენტი, სალომე ზურაბიშვილი აშშ-ის სახელმწიფო დეპარტამენტის მიერ ქართველი მოსამართლეების დასანქცირებას.
ზურაბიშვილის თქმით, საქართველომ და ქართველმა ხალხმა კარგად იცის ამ ადამიანების პასუხისმგებლობა მანკიერი სასამართლო სისტემის ჩამოყალიბებაში.
მისივე განცხადებით, ის სრულად აცნობიერებს და იაზრებს სასამართლო რეფორმის აუცილებლობას.
ზურაბიშვილის თქმით, ახლა მსოფლიოს უნდა ვაჩვენოთ, რომ სხვა შეფასებასაც ვიმსახურებთ.
ზურაბიშვილის თქმით, საქართველომ და ქართველმა ხალხმა კარგად იცის ამ ადამიანების პასუხისმგებლობა მანკიერი სასამართლო სისტემის ჩამოყალიბებაში.
მისივე განცხადებით, ის სრულად აცნობიერებს და იაზრებს სასამართლო რეფორმის აუცილებლობას.
"საქართველომ და ქართველმა ხალხმა კარგად იცის ამ ადამიანების პასუხისმგებლობა მანკიერი სასამართლო სისტემის ჩამოყალიბებაში. ჩვენ ყველამ ვიცით და გვესმის, თუ რა უნდა გაკეთებულიყო ამ სასამართლო სისტემის გაჯანსაღებისთვის. ჩვენმა საზოგადოებამ ისიც კარგად იცის თუ რა არ გაკეთდა და რატომ არ გაკეთდა, ამიტომაც სრულად ვაცნობიერებთ, ვიზიარებთ და მხარს ვუჭერთ სასამართლო რეფორმის აუცილებლობას, ასევე ვაცნობიერებთ სასამართლო დამოუკიდებლობის სისტემის გამყარებასა და სისტემაში პროფესიონალი და მიუკერძოებელი კადრების საჭიროებას , ევროკომისიის 12 რეკომენდაციაც ამას ემსახურება და სხვა არაფერი.მისივე სიტყვებით, მეგობარმა ქვეყანამ შესაძლოა "დაუნდობლად გვითხრას სათქმელი, მაგრამ ჩვენ არ უნდა გავბრაზდეთ, არამედ გავიაზროთ რა მოხდა, რატომ და რა არის გამოსავალი".
ვწუხვარ, რომ ქვეყანა ამ გადაწყვეტილებით იწერება სხვა სანქცირებული ქვეყნების სიაში, ეს მაშინ, როცა საქართველო თავისი ევროპელი პარტნიორებისგან უმნიშვნელოვანეს გადაწყვეტილებას ელოდება კანდიდატის სტატუსის მინიჭებას. ვშიშობ, აშშ-ს გადაწყვეტილება ევროპაში აღქმული არ იყოს, როგორც ნეგატიური სიგნალი. ამიტომ, არც ნიშნის მოგების და გახარების დროა, არც თავის მართლების, ჩვენზეა ყველაზე ქვეყნის იმიჯის გამოსწორება, თუ არ გვინდა, რომ 4 ადამიანს გადავაყოლოთ ქვეყნის მომავალი, საჭირო არის ქმედითი ნაბიჯები. ეს იქნება სრული გამოძიება თუ გადახედვა უმაღლესი იუსტიციის საბჭოს შემადგენლობისა ან კიდევ არამოსამართლე წევრების დროული შერჩევა, რაც მეტი ქმედითი ნაბიჯი იქნება გადადგმული სასამართლო რეფორმის კუთხით, რასაც ყველა ჩვენი ერთგული პარტნიორი აკვირდება და ელოდება, მით უფრო სწრაფად აღვადგენთ ჩვენი ქვეყნის რეპუტაციას და მის მიმართ ნდობას," - განაცხადა სალომე ზურაბიშვილმა აშშ-ის ელჩთან, კელი დეგნანთან შეხვედრის დასრულების შემდეგ გამართულ ბრიფინგზე.
ზურაბიშვილის თქმით, ახლა მსოფლიოს უნდა ვაჩვენოთ, რომ სხვა შეფასებასაც ვიმსახურებთ.
„ქვეყანა არ იმსახურებს, რომ ეს საკითხი პოლარიზაციის გაღრმავების მიზეზიც გახდეს. არც შიდა ძალებს შორის და არც ჩვენს საერთაშორისო მეგობრებთან ურთიერთობაში. მეგობარმა ქვეყანამ, შესაძლოა, დაუნდობლად გვითხრა სათქმელი, მაგრამ კი ნუ გავიბუტებით, ნუ გავბრაზდებით, ნუ გვიხარია, გავაანალიზოთ რა მოხდა, რატომ, რა არის გამოსასწორებელი. მსოფლიოს ვაჩვენოთ, რომ სხვა შეფასებასაც ვიმსახურებთ და მიზანსაც მივაღწევთ, რაც ძალიან გაგვიხარდება“- აღნიშნავს პრეზიდენტი.