გაეროში დიდი ბრიტანეთის წარმომადგენლობამ დაბლოკა რუსეთის ბავშვთა კომისრის, მარია ლვოვა-ბელოვას გამოსვლის ტრანსლაცია უშიშროების საბჭოს არაფორმალურ შეხვედრაზე. შეხვედრის თემა ეხებოდა უკრაინელი ბავშვების რუსეთში გადაყვანას. 
როტაციის წესით, რუსეთი აპრილიდან გაეროს უშიშროების საბჭოს თავმჯდომარე გახდა.
ბრიტანეთის წარმომადგენლობა ამბობს: "თუ მარია ლვოვა-ბელოვას სურს ისაუბროს თავის ქმედებებზე, მას შეუძლია ამის გაკეთება ჰააგაში".
ცნობისთვის, სისხლის სამართლის სასამართლომ რუსეთის პრეზიდენტ პუტინის გარდა დაკავების ორდერი გასცა ლვოვა-ბელოვაზეც. მათ ბრალად უკრაინელი ბავშვების რუსეთში უკანონო დეპორტაცია ედებათ. 
რუსულმა მისიამ განაცხადა, რომ მიზანი იყო დასავლურ მედიისა და ზოგიერთი ქვეყნის "განზრახ დამახინჯებული ნარატივის" გაქარწყლება უკრაინელი ბავშვების მიმართ რუსეთის ქმედებების შესახებ.
რუსეთი უარყოფს ბრალდებებს იძულებით გაყვანისა და გატაცების შესახებ და აცხადებს, რომ მან ბავშვების ევაკუაცია მოახდინა მათი უსაფრთხოებისა და დაცვის მიზნით.
ბრიტანეთმა მოითხოვა, რომ შეხვედრის ჩანაწერი არ გაკეთებულიყო, ასევე განაცხადა, რომ მათი წარმომადგენელი არ ესწრებოდა აღნიშნულ შეხვედრას.