თურქეთის პრეზიდენტი, რეჯეფ თაიფ ერდოღანი გაეროს უშიშროების საბჭოს რეფორმირებას მოითხოვს. მის განცხადებას "ანადოლუ" ავრცელებს. ერდოღანმა გაეროს "არამდგრადი" უწოდა და თქვა, რომ 5 სახელმწიფოს აქვს ბევრად მეტი გავლენა, ვიდრე დანარჩენ სხვებს.

"დღევანდელი ცხოვრების წესი, რომელშიც კაცობრიობის ბედი ხუთი სახელმწიფოს ხელშია (უშიშროების საბჭოს მუდმივი წევრები ვეტოს უფლებით. - რედ.), არასტაბილურია. ჩვენ სასწრაფოდ გვჭირდება გაეროს უშიშროების საბჭოს რეფორმა. ყოვლისმომცველი და ინკლუზიური ურთიერთგაგებით", - განაცხადა თურქეთის პრეზიდენტმა.

ერდოღანი ანკარაში უცხოელ ელჩებსა და დიპლომატებს შეხვდა. 
უშიშროების საბჭო შედგება გაეროს ხუთი მუდმივი წევრისაგან, მათ შორის რუსეთის, დიდი ბრიტანეთის, საფრანგეთის, ამერიკის შეერთებული შტატებისა და ჩინეთისგან, რომლებსაც აქვთ ვეტოს უფლება, ასევე 10 წევრი ქვეყანისგან როტაციის წესით.
როგორც ცნობილია, რუსეთი გაეროს უშიშროების საბჭოს როტაციის წესის მიხედვით 1 აპრილიდან ერთი თვის განმავლობაში უხელმძღვანელებს.