მთავარი რუსული ძალა არის „ქართული ოცნება",- ამის შესახებ "სტრატეგია აღმაშენებლის" ლიდერმა გიორგი ვაშაძემ განაცხადა.
მისი თქმით, ისინი შეეცდებიან, კანონპროექტების მიღებას წინააღმდეგობა გაუწიონ და "ქართულ ოცნებას" არ გაატარებინონ რუსული ინტერესი.
„ეს ადამიანები, რომლებიც თავის თავს "ქართულ ოცნებას" უწოდებენ, რუსეთის ინტერესებს იცავენ, სპეცსამსახურების და არაუფლებამოსილი პირების ზურგს უკან ლაჩრულად იმალებიან და უნდათ, ჩაატარონ კომიტეტი, შეიყვანეს ადამიანები, რომლებიც მათ სურთ. ჩვენ ყველაფერს გავაკეთებთ, რომ საზოგადოებას მათი რეალური, მოღალატეობრივი სახე ვაჩვენოთ. სიმართლე გაიმარჯვებს, ესენი არიან სუსტები, არაფრის მაქნისი და ძალიან მალე გავისტუმრებთ. საქართველო არასდროს რუსულ ძალებს საქართველოში არ დაუშვებს და მთავარი რუსული ძალა არის "ქართული ოცნება" და მემგონი, ამაში აბსოლუტურად ყველა დარწმუნდა. როცა ისინი მტრის ინტერესებს იცავენ, აზრი არ აქვს შინაარსობრივ განხილვას. შევდივართ, რომ ყველანაირი წინააღმდეგობა გავუწიოთ, რომ ვერ შეძლონ მარტივად, როგორც სჩვევიათ კანონების მიღება და ხალხმა დაინახოს როგორ ვირთხებთან აქვთ საქმე,"- განაცხადა ვაშაძემ.