„რუსული“ კანონი ტყუილია, სწორია - ამერიკული. ამ დონის „ფეიკზე“ დგას არა მხოლოდ „ომის პარტია“, არამედ ის მდიდარი ენჯეოები, რომლებსაც მოსწონთ „გავლენიანს” რომ უწოდებენ, - ამის შესახებ „ქართული ოცნების“ წევრი რატი იონათამიშვილი აცხადებს.
იონათამიშვილი სოციალურ ქსელში დოკუმენტების ბმულებს აქვეყნებს და აცხადებს, რომ „სინამდვილეში „რუსულიც“ ტყუილია და კანონის მხოლობითში მოხსენიებაც“
.„ვაქვეყნებ სამ დოკუმენტს, მათგან: 1. ამერიკაში მოქმედი კანონი ინგლისურ ენაზე. 2. ამერიკაში მოქმედი კანონი ქართულ ენაზე. 3. ამერიკაში მოქმედი კანონის გაცილებით ლიბერალური ვერსია.
ეს ორი ინიციატივა შემოიტანა „ხალხის ძალამ“ კანონის პროექტების სახით. ამას ეძახიან „რუსულ კანონს”, სინამდვილეში „რუსულიც“ ტყუილია და კანონის მხოლობითში მოხსენიებაც. სწორია, ამერიკული და სწორია კანონის პროექტები და მსგავს საკითხებზე, EPP-ის ინიციატივით, ინკლუზიური დისკუსია მიმდინარეობს ევროკავშირშიც.
აი, ამ დონის „ფეიკზე“ დგას არა მხოლოდ ომის პარტია, არამედ ის მდიდარი ენჯეოები, რომლებსაც მოსწონთ „გავლენიანს“ რომ უწოდებენ და სხვა საზოგადოებრივ ორგანიზაციებს მიიჩნევენ მეორეხარისხოვნებად", - წერს იონათამიშვილი „ფეისბუკის“ გვერდზე.