ლავროვი ჟენევის კონფერენციას სანქციების გამო ადგილზე ვერ დაესწრო - მისი გამოსვლისას მონაწილეებმა დარბაზი დატოვეს
რუსეთის საგარეო საქმეთა მინისტრმა, სერგეი ლავროვმა ჟენევაში საერთაშორისო კონფერენციაზე ჩასვლა ევროკავშირის მიერ დაწესებული სანქციების გამო ვერ შეძლო. ამის შესახებ განცხადება მინისტრის მოადგილემ, სერგეი რიბაკოვმა გააკეთა.
ოკუპანტი ქვეყნის მინისტრმა კონფერენციაზე დამსწრეებს ვიდეოთი მიმართა და სიტყვა სანქციებზე საუბრით დაიწყო. სიტყვის დაწყების შემდეგ დამსწრეებმა დარბაზი უკრაინისადმი სოლიდარობის ნიშნად დატოვეს. გაეროში ევროკავშირის დელეგაციის პრესსამსახურმა აღნიშნა, რომ უკრაინისადმი სოლიდარობის ნიშნად ლავროვის გამოსვლისას დარბაზი დატოვა ევროკავშირის ყველა ელჩმა.
ლავროვის მტკიცებით, ევროკავშირის სანქციები პატივს არ სცემს ადამიანის უმნიშვნელოვანეს უფლებას, გადაადგილების თავისუფლებას.
ოკუპანტი ქვეყნის მინისტრმა კონფერენციაზე დამსწრეებს ვიდეოთი მიმართა და სიტყვა სანქციებზე საუბრით დაიწყო. სიტყვის დაწყების შემდეგ დამსწრეებმა დარბაზი უკრაინისადმი სოლიდარობის ნიშნად დატოვეს. გაეროში ევროკავშირის დელეგაციის პრესსამსახურმა აღნიშნა, რომ უკრაინისადმი სოლიდარობის ნიშნად ლავროვის გამოსვლისას დარბაზი დატოვა ევროკავშირის ყველა ელჩმა.
ლავროვის მტკიცებით, ევროკავშირის სანქციები პატივს არ სცემს ადამიანის უმნიშვნელოვანეს უფლებას, გადაადგილების თავისუფლებას.
"ქალბატონებო და ბატონებო, ვიმედოვნებდი, რომ ორი წლის შემდეგ, მე შევძლებდი და პირადად მივიღებდი მონაწილეობას გაეროს ადამიანთა უფლებების კონფერენციაში, თუმცა მე იძულებული ვარ რომ ვიდეოთი მოგმართოთ. ამის მიზეზი კი ევროკავშირის აღმაშფოთებელი სანქციებია, რომელიც ადამიანების ერთ-ერთ ფუნდამენტურ უფლებას არ სცემს პატივს, ადამიანის გადაადგილების თავისუფლებას", - განაცხადა სერგეი ლავროვმა ვიდეო მიმართვისას.