რეზოლუციას ექნება გაგრძელება, ევროკავშირიც კონკრეტულ ქმედებებზე გადავა, მხოლოდ ყველამ უნდა ვიცოდეთ, რომ რუსი ოლიგარქი ქართველი ხალხის მოსაშორებელია , - ამის შესახებ ჟურნალისტებთან "ნაციონალური მოძრაობის" დეპუტატმა ლევან ხაბეიშვილმა განაცხადა, რითაც გამოეხმაურა ევროპარლამენტის მიერ მიღებულ რეზოლუციას. მისი მოლოდინია, რომ ივანიშვილს სანქციებს დაუწესებენ.
"დასავლელი პარტნიორები დიდი ხანია გვეუბნებიან, რომ საქართველოს და ევროკავშირს შორის კარებში გაჩხერილია რუსი ოლიგარქი, რომელიც კრიმინალურად და კორუფციულად მართავს ქვეყანას. დარწმუნებული ვარ, ამ რეზოლუციას ექნება გაგრძელება. ივანიშვილის მიმართ პერსონალურ სანქციები ვნახეთ, რომ ოჯახის წევრებს და გარემოცვას დაუწესა უკრაინის მხარემ და დარწმუნებული ვარ, ევროკავშირიც კონკრეტულ ქმედებებზე გადავა, მხოლოდ ყველამ უნდა ვიცოდეთ, რომ ქართველი ხალხის მოსაშორებელია ადგილზე, აქ რუსი ოლიგარქი", - განაცხადა ხაბეიშვილმა.