უკრაინამ ევროკავშირისგან 500 მილიონი ევროს ღირებულების დახმარება მიიღო
მაკროფინანსური დახმარების განსაკუთრებული, მერვე პროგრამის ფარგლებში უკრაინამ ევროკავშირისგან 500 მილიონი ევროს ღორებულების მაკროფინანსური დახმარება მიიღო. თანხები სახელმწიფო ბიუჯეტის ყველაზე გადაუდებელი ხარჯების დაფინანსებას მოხმარდება.
"სრულმასშტაბიანი ომის დაწყებიდან ევროკავშირმა უკრაინას 7,2 მილიარდი ევროს მაკროფინანსური დახმარება გაუწია. აგრესორი ქვეყნის სრულმასშტაბიანი შემოჭრის ფონზე, ეს თანხები უკრაინას დაეხმარა გამკლავებოდა ომის ნეგატიურ ეკონომიკურ შედეგებს და ფინანსური სისტემის სტაბილურობის შენარჩუნებას. მადლობა ევროკავშირის კოლეგებს უკრაინის თანმიმდევრული და სისტემატური მხარდაჭერისთვის“, - თქვა უკრაინის ფინანსთა მინისტრმა სერხი მარჩენკომ.უკრაინის ფინანსთა სამინისტროს განცხადებით, ამ პროგრამის ფარგლებში ჯამური დახმარება 5 მილიარდ ევროს შეადგენს.