არავითარი საფუძველი ასეთი შეხსენებისთვის არ არსებობს - კობახიძე სახდეპის განცხადებაზე
"ქართული ოცნების" თავმჯდომარე კობახიძე აშშ-ს სახელმწიფო დეპარტამენტის პასუხად ამბობს, რომ სახელმწიფოს გაცნობიერებული აქვს საკუთარი პასუხისმგებლობა და "ასეთი შეხსენებებისთვის საფუძველი არ არსებობს":
"სახელმწიფომ ძალიან კარგად იცის თავისი პასუხისმგებლობა განსხვავებით 2012 წლამდე პერიოდისგან, ციხეში არის ის პირობები რომლებიც უნდა იყოს, საავადმყოფოებში არის პატიმრებისთვის ის პირობები რომელიც უნდა იყოს და ადამიანის უფლებები არის რაც მთავარია დაცული ეს არის ჩვენი პასუხისმგებლობა და ამით განსხვავდება ჩვენი ხელისუფლება წინა ხელისუფლებისგან განსაკუთრებით ციხის ნაწილშია ხელშესახები ეს სხვაობა...
სახელმწიფოს არა მარტო გაცნობიერებული აქვს საკუთარი პასუხისმგებლობა, არამედ მოქმედებს ამ პასუხისმგებლობის შესაბამისად. შესაბამისად, არავითარი საფუძველი ასეთი შეხსენებისთვის არ არსებობს..." აცხადებს კობახიძე.