პარასკევს გამართულ ბრიფინგზე აშშ-ის ეროვნული უშიშროების საბჭოს სტრატეგიული კომუნიკაციების კოორდინატორმა ჯონ კირბიმ უკრაინისთვის 270 მილიონი დოლარის ღირებულების დახმარების ახალი პაკეტის დამტკიცების შესახებ განაცხადა.
ახალი სამხედრო დახმარების პაკეტში შედის ოთხი ერთეული ზალპური ცეცხლის რეაქტიული სისტემა HIMARS-სი, 36 000 საარტილერიო ჭურვი და 580 Phoenix Ghost-ის კლასის უპილოტო თვითმფრინავი.
თეთრი სახლის წარმომადგენლის განცხადებით, შეერთებული შტატებიდან უკრაინისთვის გაწეული სამხედრო დახმარების საერთო მოცულობა 8.2 მილიარდი დოლარია.