თუ გამოძიება ობიექტურია, გაუგებარია საიდან შეიძლება ფლობდეს ინფორმაციას - ადვოკატები ტიკარაძეს
გარდაცვლილი ექთნის, მეგი ბაქრაძის ოჯახის ადვოკატები ჯანდაცვის მინისტრს ეკატერინე ტიკარაძეს პასუხობენ და ამბობენ, რომ გაუგებარია ობიექტური გამოძიების პირობებში საიდან ფლობს მინისტრი წინასწარ ინფორმაციას, რომ სიკვდილის წინასწარი გამომწვევი ვაქცინა არ იყო.
"აბსოლუტურად გაუგებარია ადვოკატებისთვის საიდან შეიძლება ფლობდეს ქალბატონი ეკატერინე ტიკარაძე კონკრეტულ ინფორმაციას იმ პირობებში, თუ ობიექტურად მიმდინარეობს გამოძიება. თუ კონკრეტული პირები ფლობენ ინფორმაციას იმაზე ადრე ვიდრე ფლობს გამოძიება, ვიდრე ფლობს ადვოკატები და თავად ექსპერტები, ჩვენ ყოველდღიურ, ყოველსაათიან კონტაქტზე ვართ როგორც სამხარაულთან, საგამოძიებო უწყებასთან და ჩვენთვის ეს ინფორმაცია წინასწარ ცნობილი არ არის", - თქვა ადვოკატმა ნინო ამაღლობელმა.ეკატერინე ტიკარაძემ დღეს, 26 მარტს განაცხადა, რომ "არსებობს წინასწარი ინფორმაცია იმის თაობაზე, რომ პირდაპირი გამომწვევი მიზეზი შესაძლოა არ დასახელდეს ვაქცინა". მისივე თქმით, ორშაბათს ჯანდაცვის სამინისტროს ბრიფინგზე სამხარაულისა და რეგულირების სააგენტოს დასკვნები გახდება ცნობილი.