უკრაინის სახელმწიფო კომპანია "ენერგოატომის" ინფორმაციით, რუსი ოკუპანტებისა და "როსატომის" თანამშრომლების არაკომპეტენტურმა ქმედებებმა ზაპოროჟიეს ატომური ელექტროსადგურის ნაწილობრივი გათიშვა გამოიწვია. 
კერძოდ, 14 ნოემბერს, გაითიშა სადგურის მეექვსე ენერგობლოკი, რის შედეგადაც ამოქმედდა დიზელის გენერატორები და უსაფრთხოების სისტემები, რომლებიც 90 წუთის განმავლობაში მუშაობდნენ.

„ზაპორიჟჟიას ატომურ ელექტროსადგურზე რუსი ოკუპანტების სრული არაპროფესიონალიზმის გამო, ძირითადი აღჭურვილობა მუდმივად ზიანდება და მისი უკმარისობის სახიფათო შემთხვევები იზრდება. ამავდროულად, ნაძირლების ყოფნა ევროპის უდიდეს ბირთვულ ობიექტზე საფრთხეს უქმნის ბირთვულ უსაფრთხოებას“, - ნათქვამია ენერგოატომის ანგარიშში.

კომპანიაში ხაზგასმით აღნიშნავენ, რომ ბირთვული და რადიაციული საფრთხის თავიდან ასაცილებლად, აუცილებელია ზაპოროჟიეს ატომური ელექტროსადგური დაუყოვნებლივ დაუბრუნდეს კანონიერ ოპერატორის - "ენერგოატომს".
შეგახსენებთ, ომის დაწყების შემდეგ, ზაპოროჟიეს ქალაქ ენერგოდარის ატომურ ელექტროსადგურს რუსი ოკუპანტები აკონტროლებენ.