ИНТЕРФАКС-ТУРИЗМ: "რუსეთიდან საქართველოს მიმართულებით საახალწლო არდადეგების ტურები აქტიურად იჯავშნება"
რუსული გამოცემა ИНТЕРФАКС-ТУРИЗМ ტუროპერატორ FUN&SUN-ის პრესსამსახურზე დაყრდნობით წერს, რომ რუსებისთვის საქართველო ერთ-ერთ ყველაზე პოპულარულ ტურისტული ადგილია და ამ მიმართულებით ტურები მიმდინარე წლის დეკემბრის ბოლომდეც კია დაჯავშნილი.
რუსული გამოცემა ასევე აღნიშნავს, რომ ამ ზაფხულს, საქართველოში პირდაპირი ფრენებით მგზავრობა რუსებისთვის პირველად გახდა ხელმისაწვდომი თითქმის 4-წლიანი შესვენების შემდეგ. ასევე, მოიხსნა აკრძალვა ტურისტული პაკეტების გაყიდვაზე - "ამჟამად ამ მარშრუტით ფრენებს Azimut, Georgian Airways და Red Wings ავიახაზები ახორციელებენ," - წერს ИНТЕРФАКС-ТУРИЗМ.
"ზაფხულში მოთხოვნადი იყო როგორც ბათუმის სასტუმროებში დასვენება, ისე ექსკურსიული ტურები თბილისში. ახლა მოთხოვნა ექსკურსიის პროგრამებზე გადავიდა... დეკემბრის ბოლოს საახალწლო ტურები უკვე აქტიურად იჯავშნება... ყველაზე პოპულარული სასტუმროებია Piazza Tbilisi 3*, Etnograph 4*, Golden Tulip 4*, Pulman 4*," - თქვა კომპანიის პრესსამსახურის უფროსმა, ოლგა ივანოვამ.დაჯავშნილი ტურების საშუალო ხანგრძლივობა 4-6 დღეა. მაქსიმალური კი ორ კვირას აღწევს. ივანოვას თქმით, საქართველოს მიმართულებით ავიარეისებზე ბილეთების დეფიციტი ჯერჯერობით არ არის, თუმცა ბილეთების ნაკლებობის პრობლემა, შესაძლოა, საახალწლო პერიოდში გაჩნდეს.
რუსული გამოცემა ასევე აღნიშნავს, რომ ამ ზაფხულს, საქართველოში პირდაპირი ფრენებით მგზავრობა რუსებისთვის პირველად გახდა ხელმისაწვდომი თითქმის 4-წლიანი შესვენების შემდეგ. ასევე, მოიხსნა აკრძალვა ტურისტული პაკეტების გაყიდვაზე - "ამჟამად ამ მარშრუტით ფრენებს Azimut, Georgian Airways და Red Wings ავიახაზები ახორციელებენ," - წერს ИНТЕРФАКС-ТУРИЗМ.