გავრცელებული ინფორმაციით,მეწყერში მოყოლილი ყველა პირი ცოცხალია და კონტაქტზეა. შოვში ცოტა ხნის წინ გამოჩნდა პირველი სამაშველო ვერტმფრენი, რომელმაც მოსახლეობა სტიქიის ზონიდან უნდა გამოიყვანოს.
შეგახსენებთ, შოვში, სასტუმრო "სანსეტ შოვის" ტერიტორიაზე რამდენიმე საათის წინ მეწყერი ჩამოწვა. დამსვენებლებს პირველადი დახმარება სასტუმროს ადმინისტრაციამ გაუწია და შენობიდან გამოსვლაში დაეხმარა. არსებული ინფორმაციით, სტიქიის ზონაში 16 ადამიანი იყო მოყოლილი, მათ შორის, ბავშვებიც. შსს-მ ადგილზე 2 ვერტმფრენი გაგზავნა.