დღეს, 2 აგვისტოს, რუსეთი რუმინეთთან ახლოს, დუნაის მდინარეზე მდებარე იზმაილის პორტს დრონებით დაესხა თავს, - ამის შესახებ ინფორმაციას The Moscow Times ავრცელებს.
როგორც გამოცემა ოფიციალურ კიევზე დაყრდნობით წერს, თავდასხმის შედეგად განადგურდა მარცვლეულის საცავები და ადმინისტრაციული ინფრასტრუქტურა. 
მათივე ცნობით, იზმაილი ახლა უკრაინული მარცვლეულის ექსპორტის მთავარი გამტარი წერტილია, საიდანაც კიევს სოფლის მეურნეობის პროდუქტები რუმინეთში გააქვს. 
უკრაინულ საპორტო ინფრასტრუქტურაზე თავდასხმას თურქეთის პრეზიდენტი, რეჯეფ ტაიფ ერდოღანიც გამოეხმაურა. ერდოღანმა რუსეთის პრეზიდენტს, ვლადიმერ პუტინს სატელეფონო საუბრისას მოუწოდა, რომ  "არ გადადგას ისეთი ნაბიჯები, რაც დაძაბულობის ესკალაციას გამოიწვევს".
არსებული ინფორმაციით, თავდასხმის შედეგად განადგურდა 40,000 ტონა მარცვლეული, რომელიც განკუთვნილი იყო: ჩინეთისთვის, ისრაელისა და აფრიკის ქვეყნებისთვის.