უკრაინის ჯარების ოპერატიულ-სტრატეგიული ჯგუფის, "ტავრიას" მეთაურის ცნობით, ტავრიის მიმართულებით უკრაინის თავდაცვის ძალები რუსებს სისტემატურად ამარცხებენ. გენერალ ალექსანდრე ტარნავსკის თქმით, ბოლო დღის განმავლობაში მათ ოკუპანტების ორი ასეული გაანადგურეს. 

"უკრაინელმა სამხედროებმა გაათავისუფლეს დონეცკის ოლქის სტარომაიორსკე და მიღწეული საზღვრები გაამყარეს," - აღნიშნა მან.

ტარნავსკის თქმითვე, ოკუპანტებმა უკრაინის არმიის პოზიციებს ბოლო დღის განმავლობაში 17-ჯერ შეუტიეს. მთლიანობაში კი, 666 შეტევა განახორციელეს.

როგორც "ტავრიას" მეთაური ამბობს, უკრაინის შეიარაღებულ ძალებს დარტყმები უპასუხოდ არ დაუტოვებიათ - განადგურდა მტრის 19 ერთეული ტექნიკა, ლიკვიდირებულია რუსეთის საბრძოლო მასალის 8 საცავი, 2 ტანკი, სამი ტიპის უპილოტო საფრენი აპარატი, იარაღი და საავტომობილო ტექნიკა.