თუ რუსეთი არ წააგებს ომს უკრაინის წინააღმდეგ, მსოფლიოს ელოდება გლობალური დესტაბილიზაცია და მოსკოვის მოთხოვნები გაანადგურებს დემოკრატიას - აცხადებს უკრაინის პრეზიდენტის ადმინისტრაციის უფროსის მრჩეველი მიხაილო პოდოლიაკი.
მისი თქმით, ამ ომში კომპრომისული გამოსავალი არ არსებობს:
"ამ ომს არ აქვს არანაირი კომპრომისული გადაწყვეტა... ამ ომს, თუ რეალურ ფინალზე ვსაუბრობთ, აქვს ორი გადაწყვეტა. პირველი - უკრაინის გამარჯვება, და, შესაბამისად, ჩვენ დავუბრუნდებით გარკვეულ წესებს, საერთაშორისო სამართალს. მე და თქვენ მაშინ გავიგებთ, როგორ განვითარდება სამყარო შემდგომ. მეორე - რუსეთი არ წააგებს, ის ვერ დაიპყრობს უკრაინას, მაგრამ არ წააგებს", - მიიჩნევს პოდოლიაკი და ამბობს, რომ თუ აგრესორი არ დამარცხდება, ის გააგრძელებს ძალისხმევას სხვადასხვა რეგიონის დესტაბილიზაციისთვის:

„ამავდროულად, რუსეთი ჩადებს ფულს აგრესიულ ქვეყნებში, პატარა ქვეყნებში, რათა მოხდეს ადგილობრივი კონფლიქტების პროვოცირება. მაგალითად, აფრიკაში იმიგრაციის ამა თუ იმ ტალღის წარმოქმნის მიზნით. დააფინანსებს, პირობითად რომ ვთქვათ, ტერორისტულ თავდასხმებს ევროპის ქვეყნებზე... არსებობს ორი სცენარი და შეგიძლიათ აირჩიოთ ერთი", - დასძინა მან.