ჩეხეთი უკრაინას საბრძოლო ვერტმფრენებს გადასცემს და კიევს F-16-ის პილოტების მომზადებაში დაეხმარება
ჩეხეთის რესპუბლიკა უკრაინას საბრძოლო ვერტმფრენებს გადასცემს და კიევს F-16-ის პილოტების მომზადებაში დაეხმარება. ამის შესახებ ქვეყნის პრემიერმინისტრმა, პეტრ ფიალამ უკრაინის პრეზიდენტთან შეხვედრის შემდეგ განაცხადა.
ფიალას თქმითვე, ამჟამად ჩეხეთი და მისი მოკავშირეები განიხილავენ გზებს, თუ როგორ შეიძლება რუსეთის გაყინული აქტივები უკრაინის ომის შემდგომი რეკონსტრუქციის დასაფინანსებლად გამოიყენონ.
"ჩეხეთი უკრაინას მფრინავების მომზადებაში დაეხმარება, მათ შორის F-16ის პილოტების და ჩვენ უკრაინას მივაწვდით F-16 ფრენის ტრენაჟორებს, რათა სწავლება არა მხოლოდ დასავლეთში, არამედ უკრაინაშიც მოხდეს", - თქვა ფიალამ.როგორც ფიალამ აღნიშნა, ჩეხეთის რესპუბლიკამ უკვე გაგზავნა უკრაინაში 676 მძიმე ტექნიკა და 4 მილიონზე მეტი საშუალო და დიდი კალიბრის საბრძოლო მასალა.
ფიალას თქმითვე, ამჟამად ჩეხეთი და მისი მოკავშირეები განიხილავენ გზებს, თუ როგორ შეიძლება რუსეთის გაყინული აქტივები უკრაინის ომის შემდგომი რეკონსტრუქციის დასაფინანსებლად გამოიყენონ.
"ეს არ არის მარტივი თემა, არც ლეგალური და არც სხვა კუთხით, თუმცა აქტიური მოლაპარაკებები მიმდინარეობს, რათა შევძლოთ ეს გაყინული აქტივები უკრაინის დასახმარებლად გამოვიყენოთ", - თქვა ფიალამ.შეგახსენებთ, უკრაინის პრეზიდენტი, ვოლოდიმირ ზელენსკი პრაღაში გუშინ, 6 ივლისს ჩავიდა.