დროებით ოკუპირებული ცხინვალში ე.წ  ხელისუფლებამ სეპარატისტ სამხედროებს უფლება მისცა, გამოიყენონ იარაღი უპილოტო საფრენი აპარატების წინააღმდეგ, რომელიც ოკუპირებული რეგიონის "საჰაერო სივრცეს დაარღვევენ". შესაბამისი ცვლილებები ე.წ. მინისტრთა კაბინეტმა ოთხშაბათს შეიტანა შესაბამის "მთავრობის დადგენილაბში". 
რუსული სამთავრობო გამოცემა Tass-ის ცნობით, ცვლილებები "კომიტეტზე" ე.წ სასაზღვრო უსაფრთხოების დე ფაქტო ხელმძღვანელმა, ვალერი ალიკანტმა წარადგინა. მისი მტკიცებით, უპილოტო საფრენი აპარატების გამოყენების დიაპაზონი, როგორც სამოქალაქო, ასევე სამხედრო სფეროში გაზრდილია.

"გამონაკლისი არ არის სამხრეთ ოსეთის სახელმწიფო საზღვარი საქართველოსთან, რასაც მოწმობს მეზობელი სახელმწიფოს მიერ უპილოტო საფრენი აპარატების გახშირებული გამოყენება", - თქვა მან.

მანამდე დე ფაქტო მთავრობამ მიიღო გადაწყვეტილება უპილოტო საფრენი აპარატების რეგიონში შემოტანისას სავალდებულო რეგისტრაციის შესახებ.