პოლიტიკოსი რომ გპასუხობთ, თავდაცვაა იმ ძალადობისგან, რასაც კადრულობთ - კალაძე ჟურნალისტებს
"ქართული ოცნების" გენერალური მდივანი, კახი კალაძე ჟურნალისტებს ეუბნება, რომ მათ მცდელობა აქვთ წაახალისონ ძალადობა. მისივე აზრით, დეპუტატები ბექა ოდიშარია და მამუკა მდინარაძე, რომლებიც დაიმუქრნენ, ძალადობის მსხვერპლნი არიან და რასაც ტელევიზიები აკეთებენ, ესეც ძალადობაა.
მსგავსი შინაარსის განცხადება 14 ივნისს მამუკა მდინარაძემაც გააკეთა: "დედას შევიგინები, მაგ სიტყვას [რუსი] როგორც ახსენებთ". 27 ივნისს პლენარულ სხდომაზე ნინო წილოსანმა თქვა, რომ მამუკაც და ბექაც თავის დაპირებას შეასრულებენ მათ მიმართ, ვინც პრორუსებს დაუძახებთ.
"ვისგანაც არ უნდა მოდიოდეს, არ აქვს მნიშვნელობა, ძალადობა არის მიუღებელი. ორმაგი სტანდარტია, თქვენ რეალურად არ გაინტერესებთ ძალადობის ფაქტების აღმოფხვრა, პირიქით, მცდელობა გაქვთ, რომ წაახალისოთ ეს ყველაფერი. იგივე ჩემი კოლეგების, პარლამენტარების მიმართ გაკეთებული განცხადებები თქვენი ტელევიზიის საშუალებით და გამოყენებით, ესეც ძალადობაა. როდესაც შენ ტელევიზიას იყენებ ამგვარი ქმედებებისთვის და ხარ ჟურნალისტი, ხარ კონკრეტული ტელევიზიის დამფუძნებელი, ეს არის ძალიან მძიმე და პოლიტიკოსი რომ გპასუხობთ თქვენ ძალადობაზე, ეს არის პასუხი იმ ძალადობაზე, რასაც თქვენ აკეთებთ, ეს არის თავდაცვა იმ ძალადობისგან, რასაც თქვენ კადრულობთ", - თქვა კახი კალაძემ.ცნობისთვის, 26 ივნისს, პარლამენტში, კულტურის კომიტეტის სხდომაზე "ქართული ოცნების" დეპუტატმა ბექა ოდიშარიამ თქვა, რომ ვინც მმართველი გუნდის წევრებს პრორუსს დაუძახებდა, მიიღებდა ცხვირ-პირში.
მსგავსი შინაარსის განცხადება 14 ივნისს მამუკა მდინარაძემაც გააკეთა: "დედას შევიგინები, მაგ სიტყვას [რუსი] როგორც ახსენებთ". 27 ივნისს პლენარულ სხდომაზე ნინო წილოსანმა თქვა, რომ მამუკაც და ბექაც თავის დაპირებას შეასრულებენ მათ მიმართ, ვინც პრორუსებს დაუძახებთ.