დანილოვი პრიგოჟინის ამბოხს პუტინის სისტემის დემონტაჟის პირველ ეტაპს უწოდებს
უკრაინის ეროვნული უსაფრთხოებისა და თავდაცვის საბჭოს მდივანი, ოლექსი დანილოვი ევგენი პრიგოჟინის ამბოხს ვლადიმერ პუტინის სისტემის დემონტაჟის პირველ ეტაპს უწოდებს. ამის შესახებ დანილოვი სოციალურ წსელში წერს.
"რუსეთში ჩამოყალიბდა უკმაყოფილო ადამიანთა ჯგუფი - ძალოვნები, თანამდებობის პირები და ოლიგარქიული კაპიტალი, რომლებიც პუტინის ქმედებებს საკუთარი ინტერესებისა და არსებობისთვის სასიკვდილოდ საშიშად მიიჩნევენ, რუსეთისთვის კი - საფრთხედ", - წერს დანილოვი სოციალურ ქსელში.მისი შეფასებით, "პუტინს გადარჩენის ერთადერთი შანსი დარჩა - ძალაუფლების ვერტიკალის ტოტალური წმენდა, ვაგნერის დაჯგუფების ფიზიკური ლიკვიდაცია, პრიგოჟინის სამაგალითო დასჯა, ქვეყანაში საომარი მდგომარეობის შემოღება და მასობრივი რეპრესიების დაწყება".
"საკითხავია, შეუძლია თუ არა ამ ფუნქციების შესრულება ზოლოტოვ-ბორტნიკოვის სახელობის სადამსჯელო მანქანას, რომელიც ორიენტირებულია ჰიპსტერების, ქალებისა და მოზარდების ცემაზე", - წერს დანილოვი.დანილოვი წერს, რომ პრიგოჟინის ამბოხის შემდეგ შესაძლოა, პროცესები არაპროგნოზირებად შედეგებამდე მივიდეს. "ათვლა დაიწყო. ჩვენი წვლილი უნდა შევიტანოთ... 1991 წლის ბოლომდე", - წერს დანილოვი.