მერი კალაძე ბოდიშის მოხდას ითხოვს ყველასგან, ვინც მისივე თქმით, მთელი ამ დროის განმავლობაში ამტკიცებდა, რომ მიხეილ სააკაშვილი კვდებოდა. კახა კალაძე ამბობს, რომ რეალურად სააკაშვილი ქართული პოლიტიკისგან შორს არასდროს ყოფილა, თუმცა მას ამის უფლება კანონით არ აქვს:

"სააკაშვილი პოლიტიკიდან შორს არასდროს არ ყოფილა. ეს იყო პიარკამპანიის ნაწილი, მაშინ ასე აწყობდა რომ თითქოს პოლიტიკაში არ ერეოდა. არადა, რეალურად მას ამის უფლება არ აქვს იმიტომ, რომ ის არის უცხო ქვეყნის მოქალაქე. წარმოგიდენიათ? საქართველოს ყოფილმა პრეზიდენტმა თავად განაცხადა უარი საქართველოს მოქალაქეობაზე. ამაზე დიდი სირცხვილი რა უნდა იყოს. ეს ადამიანი დღეს გამოდის და პრეტენზია აქვს, რომ პოლიტიკაში იქნება ჩართული." ამბობს კალაძე.

მისივე თქმით, მიხეილ სააკაშვილმა და მისმა ოჯახმა "მილიონები დახარჯა" ქვეყნის საწინააღმდეგო პიარკამპანიაზე:

გვარწმუნებდნენ იმაში, რომ ეს ადამიანი კვდებოდა, რამეს ხო არ ვაჭარბებ? ამბობდნენ, რომ სააკაშვილი თითქოს ხელისუფლებამ მოწამლა და ა.შ. ახლა  კეთილი ინებონ, გამობრძანდნენ, სათითაოდ დაეწყოს ყველა და ბოდიში მოუხადონ ჩვენი ქვეყნის მოსახლეობას იმ სიბინძურისა და სიცრუის გამო, რასაც მთელი ამ ხნის განმავლობაში აკეთებდნენ" ამბობს კალაძე.