უკრაინის პრეზიდენტის, ვოლოდიმირ ზელენსკის თქმით, უკრაინაში რუსეთის ომს სულ მცირე 500 ბავშვი ემსხვერპლა. როგორც ზელენსკიმ აღნიშნა, ბრძოლებისა და რუსული ოკუპაციის გამო დაზარალებული ბავშვების ზუსტი რაოდენობის დადგენა შეუძლებელია.

"რუსული აგრესიის მსხვერპლი უდანაშაულო ბავშვების სიაში უკვე შედის სულ მცირე, 500 ბავშვი. ისინი მოკლეს რუსული იარაღითა და სიძულვილით, რომელიც ყოველდღიურად ართმევს და ანადგურებს უკრაინელი ბავშვების სიცოცხლეს", - თქვა ზელენსკიმ.

გენერალური პროკურატურის ინფორმაციით, 4 ივნისის მონაცემებით, ომის დაწყებიდან დღემდე უკრაინაში რუსეთის აგრესიას 485 ბავშვი ემსხვერპლა, 1005-ზე მეტი კი დაშავდა.