მნიშვნელოვანია, საქართველო იმ დემოკრატიულ ღირებულებებს შეესაბამებოდეს, რომლებისაც ყველას გვწამს - სტოლტენბერგი
ნატო-ს გენერალურმა მდივანმა, იენს სტოლტენბერგმა ბრიუსელში "გერმანიის მარშალის ფონდის" მიერ ორგანიზებული დისკუსიის დროს განაცხადა, რომ ნატო მრავალი წლის განმავლობაში მუშაობდა საქართველოსთან რეფორმების გატარების პრაქტიკული, პოლიტიკური თანამშრომლობის მხრივ.
მისი თქმით, ელიან, რომ ნატო-ს არაწევრი მოკავშირეები დაიცავენ სანქციებს და რუსეთს უკრაინის წინააღმდეგ აგრესიული ომის დაფინანსებას და ორგანიზებას არ გაუადვილებენ
მისი თქმით, ელიან, რომ ნატო-ს არაწევრი მოკავშირეები დაიცავენ სანქციებს და რუსეთს უკრაინის წინააღმდეგ აგრესიული ომის დაფინანსებას და ორგანიზებას არ გაუადვილებენ
"რა თქმა უნდა, ომის შემდეგ ვნახეთ, რომ "შუაში" მყოფი მოწყვლადი არიან. ასე რომ, მადრიდის სამიტზე გადავწყვიტეთ, გაგვეზარდა ის, რასაც ამ ქვეყნებისთვის ვაკეთებთ და საქართველო ერთ-ერთი უმთავრესი მაგალითია. მაგრამ, ასევე უნდა გვესმოდეს, რომ მნიშვნელოვანია, საქართველო იმ დემოკრატიულ ღირებულებებს შეესაბამებოდეს, რომლებისაც ჩვენ, ყველას, გვწამს და, რა თქმა უნდა, ველით, რომ ნატო-ს არაწევრი მოკავშირეები დაიცავენ სანქციებს და რუსეთს უკრაინის წინააღმდეგ აგრესიული ომის დაფინანსებას და ორგანიზებას არ გაუადვილებენ", – განაცხადა სტოლტენბერგმა.