"ევროპა არის მშვიდობა, ჩვენი თავისუფალი მომავალი... რაც არ უნდა ლაპარაკობდნენ რაღაცა ფრონტებზე, რაც სრულიად გაუგებარია", - ამის შესახებ საქართველოს პრეზიდენტი სალომე ზურაბიშვილი ევროპის დღისადმი მიძღვნილ ღონისძიებაზე, ქართველ ხალხს მიმართავს. მისი თქმით, დღევანდელი ევროპის დღე "ჩვენი მომავლის დღეა".

"ეს გზა უნდა გავიაროთ ყველანაირად, ყველა უნდა ვაიძულოთ, რომ ეს შანსი [კანდიდატის სტატუსის] ხელიდან არ გავუშვათ. ჩვენ ბევრი გვაქვს საერთო ევროპასთან მაგრამ ჩვენი ქვეყანა არანაკლებია და აქ შემოვიყვანოთ ევროპა..." - ამბობს სალომე ზურაბიშვილი.

მისივე თქმით, ევროკავშირი ერთადერთი გაერთიანებაა ისტორიაში, რომელმაც ქვეყნებს მშვიდობა შეუნარჩუნა და არცერთ მათგანს თავს არ დაესხა. 

"ევროპა არის მშვიდობა, ჩვენი თავისუფალი მომავალი... რაც არ უნდა ლაპარაკობდნენ რაღაცა ფრონტებზე, რაც სრულიად გაუგებარია... ჩვენი თავისუფალი მომავალი არის მათთან ერთად, მაგრამ ჩვენი იდენტობით, ჩვენი ღირებულებებით და ჩვენი განვითარებით..." - განაცხადა ზურაბიშვილმა.