რუსეთის თავდაცვის სამინისტრომ შეცვალა პრიორიტეტი ბრძოლის ველზე, გადაიტანა ოპერაციული აქცენტი ბახმუტის აღებიდან უკრაინული კონტრშეტევისთვის საპასუხო მომზადებაზე. ამის შესახებ საუბარია ომის შემსწავლელი ინსტიტუტის ბოლო განახლებაში. 
ანგარიშში აღნიშნულია, რომ რუსული არმიის ყურადღების ამგვარმა ცვლილებამ „ვაგნერის“ დაქირავებული მებრძოლები და მისი დამფუძნებელი ევგენი პრიგოჟინი მძიმე მდგომარეობაში ჩააყენა.
პრიგოჟინმა 4 და 5 მაისს გამოაქვეყნა ვიდეოების სერია, რომელშიც გამოაცხადა, რომ "ვაგნერის დაჯგუფების" დაქირავებული ემომრები ბახმუტს 10 მაისს დატოვებენ, თუ ვაგნერი არ მიიღებს აუცილებელ მარაგს. დაჯგუფების დამფუძნებელმა განსაკუთრებით მწვავედ გააკრიტიკა რუსული სარდლობა- რუსეთის გენერალური შტაბის არმიის უფროსი, გენერალი ვალერი გერასიმოვი და რუსეთის თავდაცვის მინისტრი სერგეი შოიგუ. 
ექსპერტების აზრით, პრიგოჟინის ბრაზი და ღია კრიტიკა მეტყველებს, რომ რუსეთის თავდაცვის სამინისტრომ, სავარაუდოდ, პრიორიტეტი გადაიტანა ბახმუტიდან ომის სხვა მიამღთულებაზე, თანაც ოსე, რომ შეიძლება სერიოზული ზიანი მიადგეს "ვაგნერის" ფუნქციონირებას.
ISW-ის ცნობით, "ვაგნერს" ამ დრომდე არ შეუწყვეტია ბახმუტის სრულად დაკავების მცდელობა, მიუხედავად საბრძოლო მასალისა და სხვა საჭირო მარაგების დეფიციტისა.