გვატემალაში ყველაზე აქტიური ვულკანი ფუეგო ამოიფრქვა, რის გამოც ტერიტორიიდან 1054 ადამიანის ევაკუაცია განხორციელდა. 
უცხოური მედიის ცნობით, გვატემალას ხელისუფლებამ  ფუეგოს მახლობლად მცხოვრები ხუთი თემი დროებით თავშესაფარში გადაიყვანა. 
კატასტროფის სააგენტოს უფროსის თქმით, ვულკანის ფერფლმა შეიძლება გავლენა მოახდინოს რეგიონში მცხოვრებ 100 000-მდე ადამიანზეც.
ცნობისთვის, 2018 წელს ფუეგოს ამოფრქვევას 194 ადამიანი ემსხვერპლა, ასობით ადამიანი უგზო-უკვლოდ დაკარგულად ითვლება.