დიდმა ბრიტანეთმა დაგმო კრემლის კრიტიკოსის, ვლადიმერ კარა-მურზას "პოლიტიკურად მოტივირებული" განაჩენი და რუსეთის ელჩი უწყებაში დაიბარა. კარა-მურზას რუსეთის გარდა ბრიტანეთის მოქალაქეობაც აქვს. მას დღეს 25 წლით თავისუფლების აღკვეთა მიუსაჯეს, მას შემდეგ, რაც საჯაროდ დაგმო რუსეთის ომი უკრაინაში.

"ვლადიმირ კარა-მურზამ გაბედულად დაგმო რუსეთის შეჭრა უკრაინაში, რაც იყო - საერთაშორისო სამართლისა და გაეროს წესდების აშკარა დარღვევა. შემაშფოთებელია რუსეთის ნაკლებობა ადამიანის ფუნდამენტური უფლებების, მათ შორის გამოხატვის თავისუფლების დაცვის მიმართ", - განაცხადა დიდი ბრიტანეთის საგარეო საქმეთა მინისტრმა ჯეიმს ქლევერლიმ.

მინისტრის განცხადებით, დიდი ბრიტანეთი გააგრძელებს კარა-მურზას ოჯახის მხარდაჭერას.
კარა-მურზა თავდაპირველად დააკავეს ერთი წლის წინ, CNN-თან ინტერვიუდან რამდენიმე საათის შემდეგ, რომელშიც მან გააკრიტიკა რუსეთის პრეზიდენტის ვლადიმერ პუტინის "მკვლელი რეჟიმი".