"მგონია, რომ ფაქტებში ვერ ერკვევა უკრაინის პრეზიდენტი" | სარჯველაძე
"მგონია, რომ ფაქტებში ვერ ერკვევა უკრაინის პრეზიდენტი", - ამის შესახებ "ქართული ოცნების" წევრი მიხეილ სარჯველაძე საუბრობს და ვოლოდიმირ ზელენსკის განცხადებას ეხმაურება, როცა მან საქართველოს მესამე პრეზიდენტს, მიხეილ სააკაშვილს მხარი დაუჭირა და მისი საზღვარგარეთ, სამკურნალოდ გადაყვანა ითხოვა.
"მგონია, რომ ფაქტებში ვერ ერკვევა უკრაინის პრეზიდენტი, როდესაც ამ საკითხებზე კომენტარს აკეთებს. არ ვიცი, რამდენად განსწავლულია ის იურისპრუდენციაში, მაგრამ ფაქტია, რომ როდესაც ის იცლის ამ საკითხებზე, როგორც ჩანს, ის მიიჩნევს ამას მისთვის განსაკუთრებულად მნიშვნელოვნად, მისი ქვეყნისთვის განსაკუთრებულად მნიშვნელოვნად. მაგრამ, ალბათ, უმჯობესია, ასეთ დროს თვითონ გარემოებებშიც ჩაიხედონ. არ შეიძლება უბრალოდ ასე, ემოციების დონეზე, ან უბრალოდ პიარის შედეგად ჩამოყალიბებული ემპათიის გამო კეთდებოდეს ასეთი განცხადება, რომელიც, ევფემიზმი რომ გამოვიყენოთ, ვფიქრობ, გადაუმოწმებელია", - თქვა სარჯველაძემ.