უკან, ედუარდ შევარდნაძის საქართველოში - ქართული ოცნების ხელისუფლება ხალხისგან სრულ იზოლაციას ცდილობს. დღეს, სრულიად მოულოდნელად, მთავრობის ადმინისტრაციის წინ რკინის ჯებირების აღმართვა დაიწყო, ზუსტად ისე, როგორც 2003 წელს შევარდნაძის მმართველობის მიწურულს მოხდა.
პირველადი ინფორმაციით, სამთავრობო შენობასთან ახალი სკვერის მოწყობა იგეგმებოდა, თუმცა საბოლოოდ გაირკვა რომ ღარიბაშვილის მთავრობამ ბარიერები საკუთარი ხალხის წინააღმდეგ აღმართა. 
სამუშაოებს კომპანია "დელტამშენი" აწარმოებს.