შეერთებული შტატების სახელმწიფო მდივანი ენტონი ბლინკენი რუსეთის საგარეო საქმეთა მინისტრს, სერგეი ლავროვს ესაუბრა.
Reuters-ის ცნობით, ბლინკენმა ლავროვს Wall Street Journal-ის რეპორტიორის, ევან გერშკოვიჩის დაუყოვნებლივ გათავისუფლება მოსთხოვა: "ენტონი ბლინკენმა ლავროვს გადასცა შეერთებული შტატების სერიოზული შეშფოთება რუსეთის მიერ აშშ-ის მოქალაქე ჟურნალისტის მიუღებელი დაკავების გამო და მოითხოვა მისი დაუყოვნებლივ გათავისუფლება". 
რუსული მხარის ინფორმაციით კი ლავროვი ამტკიცებდა, რომ ვაშინგტონი Wall Street Journal-ის რეპორტიორის საქმის პოლიტიზებას ცდილობს, რაც მიუღებელია. რუსეთის საგარეოს ცნობით, ლავროვმა ბლინკენს უთხრა, რომ გერშკოვიჩის ბედს სასამართლო გადაწყვეტს.
შეგახსენებთ, რომ რუსეთში The Wall Street Journal-ის ჟურნალისტი ჯაშუშობის ბრალდებით, 30 მარტს დააკავეს.