პარლამენტში, სადაც ცოტა ხანში რუსული კანონის საკომიტეტო მოსმენა გაიმართება, კომიტეტის ოთახამდე მისასვლელ დერეფანი სახელმწიფო დაცვის თანამშრომლებს აქვთ გადაკეტილი. ისინი სხდომაზე მხოლოდ სპეციალური ნებართვის მქონე პირებს უშვებენ. სხდომათა დარბაზთან არ უშვებენ არც ჟურნალისტებს. საკომიტეტო ოთახში შესვლის წინ დაცვის თანამშრომლები დეპუტატების პირადობას ამოწმებენ. მიუხედავად მკაცრი შეზღუდვებისა, სხდომაზე შევიდნენ "ხალხის ძალის" წევრები, რომლებიც პარლამენტის დეპუტატები არ არიან.

შეგახსენებთ პარლამენტის თავმჯდომარის, შალვა პაპუაშვილის ბრძანების საფუძველზე დღეს პარლამენტში შესვლა შეიზღუდა. საკანონმდებლო ორგანოში მუშაობა მხოლოდ აკრედიტებულ ჟურნალისტებსა და წინასწარი შეთანხმებით დამსწრე პირებს შეუძლიათ.

სხდომა პარლამენტში რამდენიმე წუთში დაიწყება, პარალელურად აქცია მიმდინარეობს პარლამენტის გარეთ. მოქალაქეები, ჟურნალისტები და მესამე სექტორის წარმომადგენლები რუსულ კანონს აპროტესტებენ.