"იცოდეთ, რომ ამაგრებთ რუსულ რეჟიმს! რომ არა თქვენ, ერთ საათში ივანიშვილი და მისი რეჟიმი ფიზიკურად აღარ იარსებებს" | ხაბეიშვილი სამართალდამცავებს
"ერთიანი ნაციონალური მოძრაობის" თავმჯდომარის, ლევან ხაბეიშვილის თქმით, მხოლოდ "ოცნების" ხელისუფლებას უნდა რუსეთთან და "ყველამ კარგად უნდა იცოდეს, რომ ბრძოლა გაგრძელდება". გარდა ამისა, ხაბეიშვილი მიმართავს სამართალდამცავებს და მოუწოდებს, რომ დადგნენ ისტორიის სწორ მხარეს.
ბოლო ინფორმაციით პარლამენტთან მიმდინარე საპროტესტო აქციაზე, ამ დროისთვის, სავარაუდოდ, უკვე 8 ადამიანია დაკავებული.
"სამართალდამცავებმა, ოჯახში რომ მიხვალთ თქვენ, იცოდეთ, რომ ამაგრებთ რუსულ რეჟიმს, პუტინისტებს და რომ არა თქვენ, ერთ საათში ივანიშვილი და მისი რეჟიმი ფიზიკურად აღარ იარსებებს. თქვენს შვილებს, თქვენ შვილიშვილს ეხება ეს. თქვენ არ გინდათ რუსეთში ცხოვრება დარწმუნებული ვარ, ეს არ არის პოლიტიკური საკითხი... იცოდეთ გაქვთ ცოტა დრო, რუსეთთან ნაომარი ხართ, პუტინთან ნაომარი ხართ, ბიჭებო გადადგით ნაბიჯი, ბიჭებო ივანიშვილი თქვენ გარეშე არ არსებობს. თქვენ დგახართ და ამაგრებთ ამ ხალხს", - ამბობს ლევან ხაბეიშვილი.შეგახსენებთ, რომ ოპოზიციამ რუსთაველის გამზირზე აქცია მას შემდეგ დააანონსა, რაც პროტესტის მიუხედავად, "ქართულმა ოცნებამ" და "ხალხის ძალამ" საკომიტეტო მოსმენა, სადაც რუსული კანონპროექტი უნდა განიხილონ, მაინც დაიწყო.
ბოლო ინფორმაციით პარლამენტთან მიმდინარე საპროტესტო აქციაზე, ამ დროისთვის, სავარაუდოდ, უკვე 8 ადამიანია დაკავებული.