რუსეთს კიდევ ერთხელ ემუქრება გერმანული ტანკები ჯვრებით, - ამის შესახებ რუსეთის პრეზიდენტმა, ვლადიმერ პუტინმა ვოლგოგრადში სტალინგრადის ბრძოლის 80 წლისთავისადმი მიძღვნილ ღონისძიებაზე გამოსვლისას განაცხადა. 
„დაუჯერებელია, მაგრამ ფაქტია: ჩვენ ისევ გვემუქრებიან გერმანული „ლეოპარდის“ ტანკებით, რომლებზეც ჯვრებია გამოსახული და ისინი კვლავ აპირებენ ბრძოლას უკრაინის მიწაზე ჰიტლერის შთამომავლების ხელით“, - განაცხადა პუტინმა.
მისივე თქმით, მოსკოვი არ აგზავნის ტანკებს მათ საზღვარზე, ვინც ევროპულ ქვეყნებს რუსეთთან „ახალი ომისკენ“ მიჰყავს, მაგრამ იცის, თუ როგორ უპასუხოს ამ ქმედებას. პუტინმა აღნიშნა, რომ „ჯავშანტექნიკის გამოყენება არ დასრულდება“.
ცნობისთვის, გერმანიამ უკრაინისთვის თავის მიერ წარმოებული „ლეოპარდის“ ტიპის ტანკების მიწოდებას მწვანე შუქი აუნთო.