უკრაინის თავდაცვის მინისტრი, ოლექსეი რეზნიკვი არ გამორიცხავს, რომ რუსეთმა მორიგი მასშტაბური თავდასხმა ომის წლისთავთან დაკავშირებით, 24 თებერვალს სცადონ. მან ნატოს ქვეყნებს ახალი სამხედრო დახმარებისკენ მოუწოდა და თქვა, რომ უკრაინა ვერ დაკარგავს ინიციატივას ბრძოლის ველზე.

"ვფიქრობთ, იმის გათვალისწინებით, რომ ისინი (რუსები - რედ.) სიმბოლიკაში ცხოვრობენ, 24 თებერვალს შეიძლება რაღაც სცადონ...
ჩვენ არ ვაფასებთ ჩვენს მტერს. მათ ოფიციალურად გამოაცხადეს 300 000 ჯარისკაცი [მობილიზებული], მაგრამ როდესაც ჩვენ ვხედავთ ჯარებს საზღვრებზე, ჩვენ ვაფასებთ, რომ ეს ბევრად მეტია", - თქვა რეზნიკოვმა. 

რეზნიკოვის შეფასებით, რუსეთის შეიარაღებული ძალებს შეუძლიათ განახორციელონ შეტევა ორი მიმართულებით - დონბასი ან სამხრეთი.

"ჩვენ ვეუბნებით ჩვენს პარტნიორებს, რომ ჩვენც მზად უნდა ვიყოთ რაც შეიძლება მალე. ამიტომ მტრის შესაკავებლად იარაღია საჭირო, რადგან ომში ყველაფერს ინიციატივა წყვეტს", - თქვა რეზნიკოვმა. 

მან აღნიშნა, რომ უკრაინას სჭირდება "საჰაერო რესურსები".