იარაღის ტაბუს დრო დასრულდა...კრემლში კბილების ღრჭიალი და rosTV-ზე ტირილი ძლიერდება - კულება
წელს უკრაინა მოკავშირეებისგან იარაღს მიიღებს, რომლის მოპოვებაც 2022 წელს ვერ მოხერხდა - წერს ფეისბუქზე უკრაინის საგარეო საქმეთა მინისტრი, დმიტრო კულება და აღნიშნავს, რომ ამ მოლოდინს უკვე ადასტურებს 2023 წლის პირველი კვირა:
"ბორბლებიანი ტანკები და ჯავშანტექნიკა საფრანგეთიდან, ბრედლი და მარდერის ჯავშანტრანსპორტიორი აშშ-დან და გერმანიიდან, დამატებითი გერმანული "პატრიოტის" ბატარეა, საბრძოლო მასალა და მრავალი სხვა. დაელოდეთ ახალი ამერიკული პაკეტის ანონსს!" წერს კულება.მისივე ინფორმაციით, პრეზიდენტი ზელენსკი ამ კვირაში "ნამდვილ დიპლომატიურ მარათონს" ატარებს და ყოველ დღე, სამ-ოთხ ლიდერთან აწარმოებს მოლაპარაკებებს იარაღის მიწოდების შესახებ.
"გარკვეული გადაწყვეტილებები მიიღება უშუალოდ მოლაპარაკებების დროს. ზოგიერთი დამტკიცებული იქნება მათი შედეგების მიხედვით. პრეზიდენტის იდეა იყო დიპლომატიური ახალი წელი დაუჩქარებლად, სუპერ ინტენსიურად და რაც შეიძლება ობიექტურად დაეწყო და ეს სამუშაო იძლევა კონკრეტულ შედეგებს.
ამ შრომისმოყვარეობისა და უკრაინის შეიარაღებული ძალებისა და თავდაცვის ძალების გმირობის წყალობით, პრეზიდენტის დიპლომატიურმა გუნდმა მოახერხა მოკავშირეების დარწმუნება: იარაღის ტაბუს დრო დასრულდა. გადამწყვეტ ფაზაში შევდივართ. მიზანი შეიძლება იყოს მხოლოდ ერთი: უკრაინის გამარჯვება. ეს არის ერთადერთი გზა ევროპაში ხანგრძლივი და სამართლიანი მშვიდობისა და უსაფრთხოების უზრუნველსაყოფად.
ეს არის კარგი ამბების კასკადი იარაღის შესახებ და კიდევ უფრო მეტი წინაა. და ყოველი ასეთი ამბების შემდეგ კრემლში კბილების ღრჭიალი და rosTV-ზე ტირილი უფრო და უფრო ძლიერდება.
ჩვენ გავაგრძელებთ გუნდურად მუშაობას უკრაინის და ჩვენი მცველების ყოველდღიური გაძლიერებისთვის, რათა ეს წელი იყოს გამარჯვების" წერს დმიტრო კულება.