არანარი სპეცოპერაცია არ არის, არ იყო და არც იქნება მიხეილ სააკაშვილთან მიმართებაში - პოდოლიაკი
უკრაინის პრეზიდენტის უფროსი მრჩეველი, მიხაილო პოდოლიაკი "რადიო მაესტროს" ჟურნალისტ ლევან ჭითანავასთან ინტერვიუში ამბობს, რომ არანაირი სპეცოპერაცია მიხეილ სააკაშვილის საქართველოში დაბრუნებასთან დაკავშირებით უკრაინას არ ჰქონია.
ის ქართველებს მოუწოდებს ისწავლონ საკუთარი ისტორიის პატივისცემა, რომლის ნაწილიც მიხეილ სააკაშვილიცაა.
ის ქართველებს მოუწოდებს ისწავლონ საკუთარი ისტორიის პატივისცემა, რომლის ნაწილიც მიხეილ სააკაშვილიცაა.
"პირველი, არანარი სპეცოპერაცია არ არის, არ იყო და არც იქნება ბატონ მიხეილ სააკაშვილთან მიმართებაში, ის აბოლუტურად დიდი პიროვნებაა, რომელიც დამოუკიდებლად იღებს გადაწყვეტილებებს, მათ შორის ის გადაწყვეტილებები, რომელიც საქართველოს სიყვარულიდან გამომდინარეობდა და ამიტომაც დაბრუნდა საქართველოში, საჭიროა ზოგჯერ აზროვნება ჩავრთოთ და გავაანალიზოთ თუ რას ვამბობთ, ამიტომ, არანაირი სპეცოპერაცია არ ყოფილა", - თქვა მიხეილო პოდოლიაკმა.მისი განცხადებით, საქართველო საერთაშორისო საზოგადოების ნაწილია, შესაბამისად საერთაშორისო საზოგადოება, ჰუმანიტარული სივრცეა:
"ადამიანები, რომლებიც იმაზე საუბრობენ, რომ ეს შიდა საქმეებში ჩარევაა, არ ესმით ჰუმანიზმის არსის. ზუსტად ვიცით თუ რას წარმოადგენს საქართველოს ხელისუფლება, ამისათვის ათი თვე გვქონდა. პრეზიდენტი ზელენსკის მხრიდან იყო კონკრეტული შეთავაზება, ჰუმანური მოსაზრებიდან გამომდინარე იქონიეთ ნორმალური დამოკიდებულება საკუთარი ისტორიის მიმართ.
მიუხედავად პოლიტიკური პოზიციებისა. ბატონი სააკაშვილი საქართველოს პრეზიდენტი იყო, ის საქართველოს ისტორიის ნაწილია, ამას კიდევ ერთხელ ხაზს გავუსვამ იმ ადამიანებისთვის, რომლებიც სადღაც აზროვნებაში იკარგებიან, ისწავლეთ საკუთარი ისტორიის პატივისცემა, თუ ახლა გსურთ იფიქროთ საკუთარი ქვეყნის ისტორიაზე, თუ არ გინდათ პატივი სცეთ საკუთარ ისტორიას, დაფიქრდით ისტორიულად როგორ წარმოჩნდებით მომავალში, საკუთარი ქვეყნის ისტორიაში. თუ საქართველოს პრეზიდენტი ციხეში საქართველოს ამ ხელისუფლების პირობებში გარდაიცვლება, ივანიშვილს, კობახიძეს და სხვა დანარჩენებს ვგულისხმობ, დაფიქრდით თუ როგორ ჩაიწერება საქართველოს ისტორიაში თქვენი სახელები", - თქვა პოდოლიაკმა.